Vandrarheim • Leilegheiter • Camping • Kafé • Pub • Kiosk • Events og møterom
Kapasitet: restaurant 120 personar, overnatting 63 senger
Flørli er ei veglaus grend med fire ferjeankomster og avganger til dagleg. Flørli er mest kjend for sine 4444 trappetrinn langs røyrgata opp Troppekosnuten – verdas lengste tretrapp. Grenda er óg populær for si vasskrafthistorie – i den gamle kraftstasjonen kan du besøke utstillinga med historier frå anleggsperioden samt nyte ein rimeleg og god middag med kaffe og noko attåt i kaféen.
Flørli er ein jordnær og herleg plass. Det er óg ein base for flotte friluftsopplevingar. Vakn opp til ein speilblank fjord på ein sval sommars dag. Kjenn fjord brisen i anletet mens du padlar kajakk langs bratte sva. Føl det kriblar i magen når du ser ned trappa med bygda og ferja langt der nede. Møt kjekke folk over ein pils i Skulepubben eller kom ein laurdag og nyt stampen på gamle kaien.
Det er alltid noko å glede seg over her på Flørli – kom og oppdag det sjølv!
Sommar 2019 – det skjer i Flørli!
Å gjera: 4444 Trappetrinn • Historisk Utstilling • Kano og Kajakk • Flørli Klippevandring (ny!) • Skulepub • Stamp på kaien • Slappe av og kose seg!
Bu på Flørli: leilegheit frå kun 3200 kr per helg, dobbeltrom 1380 kr per helg – bestill her!
Prisgaranti ved tinging på vår heimeside.
Våre sider forøvrig er på Engelsk for det er mykje jobb å halde dei oppdaterte på to språk. Ta gjerne ein telefon om du lurer på noko!
Tips og nyttig
• Med eigen båt til Flørli:
gratis fortøyning ved 80m lang fritidsbrygge. Ti fortøyningsbøyer. Legg båten i bøyene for å unngå skadar i tilfelle ferjer eller cruisebåtar kjem. Brygga har varierande djupde – sjekk før du legg til. Båtar over 50 fot kan legge til gamle kaia som er ei djupvasskai.
• Grille og medbrakt mat og drikke:
ja du kan grille og nyte medbrakt mat på campingen ved fritidsbrygga. Der er det ein bålplass og nokre benker. Søppel tas med heim eller kastast i konteinaren på ferjestøa. Me driv kafé på Flørli og ser jo gjerne at du brukar oss, men det er opp til deg. Medbrakt mat og drikke kan ikkje nytast på terrassen eller inne i kaféen.
• Kjapp ettermiddagstur til Flørli:
ein trappetur og så heim igjen er mogleg året rundt kvar fredag og sundag. Ta Kolumbus ferja frå Lauvvik kai kl13:55 eller Forsand kai kl14:00. Du har 3:15 timar for turen, i vanleg tempo er det nok. Så går ferja tilbake kl18:00, ankomst Lauvvik kl18:50. Du treng bil for å komme deg til Lauvvik eller Forsand – gratis parkering på kaiene der.
• Dagstur med turistferja:
turistferja TheFjords går kun om sommaren. Den er dyrare enn Kolumbus ferja, men tar deg innom alle skjulte perler langs Lysefjorden. Den har greie avgangstider og du kan nyte heile dagen på Flørli i ro og mak.
• Romantisk overnatting:
vil du overraske din partner anbefalar me ein herleg natt i Radiobua Mini-Suite. Dette er óg ein flott gåve til familie eller eit vennepar. Du kan tinge gåvekort tilsendt i posten her.
• Overnatting for grupper:
er dåke fleire enn 9 personar, ta gjerne kontakt slik at me ordnar rom tilpassa dykkar behov.
• Nye turar:
har du gått trappane før? Då bør du oppleve Flørlineset Opp og Flørli Klippevandring – to spektakulære nye turar som byr på fantastiske blikk i begge retningar av fjorden.
• Padle kajakk:
har ein av dåke Våtkort, då kan du leige kajakk av oss og utforske innere Lysefjord. Utan Våtkort kan du heller ta ein kano og halde deg nære Flørli – óg veldeg fint det!
